CÓMO TRABALLAMOS

 

Nesta etapa clave o noso obxectivo é educar para a vida favorecendo a autonomía, a creatividade e o espírito crítico nos nosos alumnos.

No noso modelo de ensino-aprendizaxe o protagonista é o neno. Partimos da individualidade de cada un, atendendo á diversidade e potenciando cada unha das múltiples intelixencias que posúen. Apostamos pola aprendizaxe significativa, conectado aos intereses do neno.



Dentro do proxecto de traballo para o desenvolvemento das intelixencias múltiples no noso colexio utilizamos varias técnicas que nos axudan a que o alumno consiga Aprender a Pensar.

​

Estas técnicas teñen o propósito de estimular a capacidade dos nenos para pensar de forma autónoma, pero impulsados tamén polas situacións de interacción que se xeran cos compañeiros e cos profesores.

​

Dispoñemos dunha aula de Psicomotricidade á que os alumnos acoden dúas horas á semana para reforzar, a través do xogo, os conceptos que traballan nas súas aulas e desenvolver a súa psicomotricidade grosa.

​

Temos un patio exclusivamente para os alumnos de infantil que conta con diferentes estruturas lúdicas para favorecer que os pequenos xoguen e ao mesmo tempo desenvolvan a súa psicomotricidade.

​

Levamos a cabo un  programa de Educación Emocional para axudar aos nenos a medrar mellorando o seu autocoñecemento, as relacións sociais, a autoestima, etc.

​

O desenvolvemento da creatividade  a través da expresión plástica e a música. Os nosos alumnos gozan, exploran, elaboran, se expresan, etc.  a  través de diferentes técnicas plásticas e da música.

​

No primeiro ciclo de Educación Infantil a Lei, contempla dentro do currículo a posibilidade educativa da expresión plástica, é considerada como o mellor medio expresivo para comunicar ideas, ou sentimentos, para coñecer a propia contorna cultural e artístico.

​

Ofrecemos unha atención individualizada e dende os tres anos dispoñemos dun Gabinete de Orientación Psicopedagóxica propio que apoiará o labor das titoras na aula e a realidade das familias, atendendo as súas dúbidas e ofrecéndolles consellos e pautas para guiar a acción educativa e/ou familiar. Contamos tamén cunha aula de Pedagoxía Terapéutica e unha aula de Audición e Linguaxe.

​

Non podemos esquecer o Plurilingüismo, que tamén está presente nesta etapa introducindo xa en tres anos, o Proxecto Pipe que potencia a aprendizaxe do idioma estranxeiro coa presenza nas aulas de auxiliares de conversa nativos dende os 3 anos.

​

Para ir introducindo aos alumnos nas novas tecnoloxías, temos unha aula de informática á que acoden semanalmente e todas as aulas dispoñen de encerado dixital.

​

Durante esta etapa de Educación Infantil desenvolveremos progresivamente as habilidades necesarias para mellorar as diferentes formas de comunicación e linguaxe, as pautas elementais de convivencia e de relación social, así como a lectura, a escritura, a representación numérica e o cálculo, co fin de incrementar as capacidades intelectuais e sociais dos alumnos e preparalos para cursar con aproveitamento a Educación Primaria.

 

Para conseguir unha educación de calidade é imprescindible que, ao esforzo do alumnado e do profesorado se una o interese das familias. Por iso, esperamos contar coa súa colaboración en a importante tarefa de educar e formar aos seus fillos, os nosos alumnos.